Среќно детство

Среќно детство

Многупати сум го посакала,

но за жал го немав.

Многупати го сонував,

но никогаш не го доживеав.

Многупати го барав,

и под дрво и под камен,

но никогаш не го најдов.

Многупати размислував за него,

но се беше залудно,

размислував и плачев,

но и солзите не помогнаа.

Многупати и мечтаев да го имам и јас

но за жал никогаш не го добив.

Многупати си велев:

- Да, има надеж, можеби ќе се појави.

Но, за жал никогаш не се појави.

Го замислував како ли ќе изгледаше:

Можеби убаво како бескрајна цветна

градина,

или слатко како црно чоколадо.

Можеби милно и силно како

прегратките на мајка ми,

или јако и цврсто

како татко ми.

Но за жал,

никогаш не го почувствував

СРЕЌНОТО ДЕТСТВО.

Но, не, не жалам,

зашто

никогаш немаше да бидам

она што сум денес.