НОВО ТЕМАТСКО СПИСАНИЕ ЗА ДЕЦА УЧЕЊЕ НИЗ ИГРА
Во издание на Издавачката куќа од Феникс, деновиве излегоа од печат првите два броја од новото тематско списание за деца Учење низ игра.
Во првиот број на тематското списание за деца Учење низ игра е објавена книгата Мојата најдобра мајка од Христо Петрески (песни и раскази за деца), а во вториот број на тематското списание Учење низ игра се објавени песни за деца од познатиот македонски писател за деца Велко Неделковски.
Илустратор на двете книги е Славица Купенкова, а двете тематски изданијата содржат црно-бели илустрации за боење и илустрации во боја како стикери.
Во списанието Учење низ игра, кое е списание за боење и учење, има простор за доцртување и други активности (одговарање, раскажување и слично) од страна на децата. Исто така, предвидени се и објавени и повеќе активности за наставниците и родителите.
Во подготовка за печат се и двата следни броја на тематското списание за деца Учење низ игра и тоа: 101 гатанка (избор и подготовка: Христо Петрески) и Животинско царство (автор: Трајче Кацаров).
There are no blog posts to list.