КНИГАТА ЗА ДЕТЕТО

КНИГАТА ЗА ДЕТЕТО

Книгата за детето

ја пишува сонцето

со златни зраци

по небото бескрајно, сино.

Затоа од неа постојано зрачи

радост и живот.

Книгата за детето,

ја разубавуваат цвеќињата,

боите и убавините нивни,

со кои нѐ китат.

Затоа со нив заедно

подруг ни е светот.

Книгата на детето

секој од нас ја носи

во душата и срцето.

Не затоа што сме биле деца,

туку затоа што со нив

е поубаво сонцето,

и радоста и животот,

и цвеќињата и убавината.