КНИГАТА ОД ДЕТЕТО

КНИГАТА ОД ДЕТЕТО

Книгата од детето е

полна со сончева светлина,

исто како неговите

бисерни очи,

од кои тоа

за секого

радост точи.

Книгата од детето е

полна со мајчинска топлина,

исто како и неговото срце,

од кое љубов грее,

а неговата насмевка

радост

за секого сее.

Книгата од детето е

преполна со убави бои,

кои создаваат прекрасна слика:

од децата

секогаш

божилак блика.