Мато Ловрак е хрватски писател, роден 1899 година во близина на Бјеловар и Загреб каде што завршил учителска школа. За книжевниот пат на Мато Ловрак била пресудна неговата љубов кон селото и децата. Бил учител во многу села ширум Хрватска. Добро го запознал животот на селаните и нивните деца, кои ги сакал и за кои најчесто пишувал во своите книги. Токму со делата наменети за децата, Мато Ловрак ја стекнал својата книжевна слава. Напишал повеќе приказни и романи за деца, од кои попознати се: Дивото момче, Возот в снег, Пријатели, Нашите момчиња, Момчето конзул, Деветмината храбри и други. Мато Ловрак раскажува живо, интересно, сликовито, така што неговите книги се читаат без напор и со внимание. Тој создал низа ликови од бистри, досетливи, вредни момчиња и девојчиња, кои најчесто биле преокупирани со идејата како да решат некој проблем, и немало тешка ситуација од која јунаците на неговите книги не излегувале како победници, често подосетливи и од возрасните.
- Залиха: Достапно
- Код: 97A436
- Димензии: 0.00cm x 14.80cm x 20.00cm
- Година на издавање: 2010
- Бр. на страници: 92
- Јазик: македонски
- ISBN: 978-9989-33-551-8
