Раскази

Писателот Лав Николаевич Толстој оваа книга “Раскази” ја наменил за најмладите читатели, со цел да ги разоноди и поучи. Во повеќето од овие приказни главни личности се животните. Се вели дека животните го разбираат говорот на луѓето. Но, само малкумина среќни и умни луѓе умееле да го разберат говорот на животните. Некои од тие “слушатели на природата”ги запишале најубавите приказни во кои главните улоги ги имаат токму животните. Тие приказни се нарекуваат басни, а најпознати баснописци се: Езоп, Лафонтен, Крилов, а меѓу нив е и Толстој, кој знаел и умеел на впечатлив начин да ни ги соопшти вистините за животот, погледнати низ очите на животните и птиците. Кога ќе ги прочитате овие басни, ќе почувствувате колку можете да научите гледајќи ги и слушајќи ги другите. Било тоа да се деца или возрасни или да се животни, кои само навидум зборуваат неразбирливо...