Петар Пан

Џејмс Метју Бари, шкотски автор и писател за деца, станал познат по објавувањето на приказната за Петар Пан, момчето кое живее во Недојдија, војува со капетанот Кука и не сака да порасне. Џејмс Метју Бари е роден во Форфаршир. Имал девет браќа и сестри и мајка им секоја вечер им читала авантуристички приказни. Кога Џејмс имал седум години му загинал братот Дејвид. Длабоката тага на мајката силно го обележала целиот негов живот. По нејзината смрт, Џејмс и посветил трогателна биографија полна со љубов. Кога имал тринаесет години,го напуштил родното село. Во текот на школувањето се интересирал за театарот и многу ги читал делата на Жил Верн и Џејмс Фенимор Купер. По завршување на Универзитетот во Единбург заминал во Лондон и се занимавал со новинарство. Петар Пан се создавал постепено, од приказните кои Бари им ги раскажувал на децата од својата долгогодишна омилена пријателка Силвија Дејвис.