Мице

Истакнатиот македонски писател Ванчо Николески (1912 – 1980) спаѓа меѓу најплодните и најомилените детски писатели во Македонија, негови најпознати поетски и прозни дела се: Крај огниште, Прва радост, Волшебното самарче, Гоце Делчев, Чудотворен кавал, Под виорното знаме и други. Поемата Мице ја носи ознаката на најпопуларна во поетскиот опус на Ванчо Николески. Тоа е една чудесно убава, народна и натопена со длабок хуманизам стихувана приказна, низ која поетот го изнесува незгасливиот човеков копнеж за пород и потомство. Целата поема – приказна дише со онаа свежина и чистота на народниот јазик, од кој поетот го зел најубавото.