Островот на скриеното богатство

Роберт Луис Стивенсон е познат англиски писател од втората половина на XIX век. Пишувал разновидна литература, секогаш исполнета со авантури и истражувања на непознати предели. Овој писател не само што умеел да ги прикаже неистражените возбудливи и далечни земји, туку умеел да се нурне и во длабочините на човековата душа и да ги опише нејзините немири и колебања. Читајќи го романот “Островот на скриеното богатство” вовлечени сме во возбудлив сплет на епизоди што непредвидливо се нижат. Други негови познати дела се: “Чудесниот случај на доктор Џекил и мистер Хајд”, “Киднапиран”, “Оттргнувач на тела”  и “Црната стрела”.