Пет Шекспирови дела низ приказ

Приказните во кои Чарлс Лемб и неговата сестра Марија ги прикажале Шекспировите драми се сакана и корисна литература за младите, преведувана речиси на сите европски јазици, а според стилот и улогата што ја имаат во англиската литература спаѓаат во класичните дела на англиската книжевност. Величината на Шекспировата уметност и длабочината на неговиот хуманизам избликнуваат и во оваа книга. Читателот добива, на достапен и внимателно избран начин, вистинска претстава за големиот Шекспир и неговиот свет. Во книгата “Пет Шекспирови дела низ приказ” застапени се неговите најпознати дела и тоа: “Хамлет”, “Ромео и Јулија”, “Сонот на летната ноќ”, “Магбет” и “Отело”.