Клетници

Виктор Иго (1802-1885) до денес е еден од најпопуларните француски писатели, без кој речиси е невозможно да се замисли француската култура. Овој џин на светската литература го предводел движењето на романтизмот и автор е на величенствените дела “Клетници” и “Богородичната црква во Париз”. “Клетници” се објавени во 1862 година и биле еден од првите вистински бестселери во современото издаваштво. Станува збор за возбудлив моралистичко – хуманистички роман, во кој писателот отсликува широка општествена фреска на Франција од она време, но манифестира и нагласена ангажирано – политичка нота.