Хајди

Швајцарската писателка Јохана Шпири (1827-1901) е еден од многубројните примери во светската литература кога по многу напишани и објавени дела за возрасните, со драгоцено писателско искуство, им се посветува на децата. Нејзините книги: Раскази за деца и Расказите што ги сакаат децата и потврдиле дека не згрешила што им се посветила како автор токму на нив. Тоа уште повеќе ќе го потврди нејзиниот роман Хајди кој ќе и донесе светска слава. Со Хајди, Јохана Шпири создала дело со трајни уметнички вредности, кое во сите години подоцна со љубов било читано и препрочитувано на различните страни од светот. Девојчето Хајди е симбол на љубов , добрина, почит,  потреба за другарување и соработка меѓу луѓето. Тоа е оној извор од кој дотекува вербата во човекот и животот.