Доктор Офболи

Доктор Офболи е главниот јунак на истоимената, популарна книга за деца на познатиот руски писател Корнеј Чуковски (1882 – 1969). Авторот има напишано повеќе книги за деца кои се омилена лектира на децата ширум светот. Освен за деца, Чуковски пишувал и за возрасни. Бил еден од најценетите книжевни критичари на своето време. Во младоста, во родниот град Одеса, тој работел како занаетчија, како стаклар, но со сопствени сили, самоук, успева да се здобие со солидно образование. Толку добро го совладал англискиот јазик, што станал и одличен преведувач. Благодарение на својата упорност, Чуковски станал писател и ни ги подарил приказните за Доктор Офболи кои се читаат со задоволство...