Дневникот на Ана Франк

Ана Франк е родена во 1929 година во Франкфурт, Германија, како ќерка на еврејски емигранти кои поради германскиот фашизам во 1933 година пребегнале во Амстердам, Холандија, кога таа имала само четири години, заедно со три години постарата сестра Марга. На 9 јули 1942 година, семејството Франк се вселува во Тајното засолниште и таму остануваат се до 4 август 1944 година, кога Гестапо ги открива и ги затвора во концентрационен логор. Ана умира во март 1945 година во логорот Берген – Белзен, два месеца пред ослободувањето на Холандија. Од членовите на нејзиното потесно семејство, ужасите од фашистичките прогонувања ги преживеал единствено нејзиниот татко. Ана Франк отсекогаш сакала да биде писател. Во Тајното засолниште, покрај Дневникот, напишала и неколку куси раскази и започнала една новела. Во 1947 година првпат е објавен Дневникот на Ана Франк, кој е преведен на повеќе од шеесет јазици.